Comune di Talmassons

Utents principâi: citadins eletôrs.
Normative di riferiment principâl: L. 21.03.1990 n. 53
Descrizion dal servizi: la Liste des personis idoniis pal ufici di president di seç eletorâl e je tignude de Cort di Apel di Triest. Par inzornâ periodichementri cheste liste, dentri dal mês di Otubar di ogni an, i citadins iscrits tes listis eletorâls, che a àn i recuisîts di idoneitât, a puedin domandâ di jessi inserîts te Liste presentant domande scrite al Sindic sul model disponibil li dal Ufici eletorâl.
Il Responsabil dal Ufici eletorâl, sigurât che chel che al fâs domande al à i recuisîts di leç, al comuniche i nominatîfs ae cancelarie de Cort di Apel e al inzorne la relative Liste.
A ogni consultazion eletorâl la Cort di Apel e nomine un President par ogni seç eletorâl e a ‘nt trasmet l’elenc al Sindic pe notifiche.
In câs di impediment grâf a cjapâ l’incaric l’interessât, dentri di 48 oris de notifiche, al à di dânt comunicazion al Sindic che lu sostituìs midiant la Cort di Apel.
Prime dal insedament dal Ufici eletorâl, il President di seç al sielç un segretari di sô fiducie tra i iscrits tes listis eletorâls dal Comun cuntun titul di studi no inferiôr al diplome di scuele medie superiôr.
Inte ocasion di dutis lis consultazions eletorâls chei che a fasin funzions li dai uficis eletorâi (presidents di seç, scrutinadôrs, segretaris di seç, rapresentants di liste) a àn dirit di stâ a cjase dal lavôr par dute la durade des operazions relativis. Chescj dîs di assence dal lavôr a son considerâts a ducj i efiets dîs di ativitât lavorative. Il President di seç al certifiche la partecipazion aes operazions de sezion eletorâl di ducj chei che a àn funzions tal lôr ufici di sezion.
La certificazion al President e ven lassade dal Responsabil dal Ufici eletorâl. Ai components dai seçs eletorâi che a risultin vê partecipât di fat aes operazions dai seçs in ocasion des consultazions eletorâls, al spiete un onorari che al costituìs rimbors pes spesis fis forfetari no no sogjet a ritignudis o impuestis e no concorin ae formazion de base imponibile ai fins fiscâi daûr dal tierç come dal art. 9 de leç n. 53 dai 21 di Març dal 1990.L’impuart di chest onorari al varie a seconde de tipologjie de consultazion eletorâl.
Eventuâi recuisîts domandâts:
•    jessi iscrits tes listis eletorâls dal Comun;
•    vê il titul di scuele medie superiôr.

No puedin esercitâ lis funzions di President e Segretari:
•    i dipendents dal Ministeri dal Interni, des Puestis e Telecomunicazions e dai Traspuarts;
•    chei des Fuarcis Armadis in servizi;
•    i miedis provinciâi, i uficiâi sanitaris e i miedis condots;
•    i segretaris comunâi e i dipendents dai comuns assegnâts o comandâts a prestâ servizi tai uficis eletorâi comunâi e, in câs di consultazions regjonâls, ancje ducj i dipendents de regjon e di ents regjonâi (L.R. 20/68 e L.R. 27/73);
•    i candidâts aes elezions che par chei si vote.

Documents di presentâ: alegâ ae domande fotocopie de cjarte di identitât.
Eventuâl modulistiche di doprâ: modul furnît dal Ufici eletorâl; si pues domandâ une copie ancje vie fax 0432-765235 o pûr discjamant il model alegât diretementri dal sît dal Comun di Talmassons.
Eventuâi tiermins pe presentazion: ai 31 di Otubar di ogni an.
Timps pe erogazion: l’inzornament de Liste e ven fate dentri dai 31 di Dicembar.