Comune di Talmassons

D.Lgjs. dai 14 di Març dal 2013 n. 33 art. 15, c. 1,2 Oblics di publicazion dai titolârs di incarics di dirigjence e di colaborazion o consulence.

 

1. Tignint cont dai oblics di comunicazion come scrit tal articul 17, come 22, de leç dai 15 di Mai dal 1997, n. 127, lis Aministrazions publichis a publichin e a inzornin chestis informazions sui titolârs di incarics aministratîfs di dirigjence e di incarics di dirigjence, di cualsisedi titul, e di colaborazion o consulence:

a) i dâts dal at di conferiment dal incaric;

b) il curriculum vitae

c) i dâts sul davuelziment di incarics o la titolaritât di incarics in ents di dirit privât regolâts o finanziâts de publiche aministrazion o il davuelziment di ativitâts professionâls;

d) lis retribuzions, o cemût altri clamâts, relativis al rapuart di lavôr, di consulence o di colaborazion, cun specifiche evidence des eventuâls componentis variabilis o leadis ae valutazion dal risultât.

 

2. La publicazion dai dâts dai ats di conferiment di incarics di dirigjence a sogjets esternis a cualsisedi titul dulà che al è previodût un compens, cu lis indicazions dai sogjets, de reson dal incaric e de cifre paiade, in plui la comunicazion ae Presidence dal Consei dai Ministris – Dipartiment de funzion publiche dai dâts relatîfs daûr dal art. 53, come 14, secont periodi, dal decret legjislatîf dai 30 di Març dal 2001, n. 165 e modifichis, a son cundizion pe acuisizion de eficacie dal at e pe licuidazion dai paiaments relatîfs. Lis Aministrazions a publichin e a tegnin inzornâts sui lôr sîts istituzionâi lis listis dai consulents scrivint l’ogjet, la durade e il compens dal incaric. Il Dipartiment de funzion publiche al permet la consultazion, ancje par nominatîf, dai dâts indicâts tal come 14.