Faturazion eletroniche

Faturazion eletroniche cu la Publiche Aministrazion

La leç n. 244 dai 24 di Dicembar dal 2007 (Finanziarie 2008) e à stabilît che la faturazion eletroniche tai confronts des aministrazions publichis e vedi di sedi dome in forme eletroniche midiant il Sisteme di Interscambi.

Il Decret ministeriâl dai 3 di Avrîl dal 2013 n. 55 al dissipline lis regulis in materie di emission, trasmission e riceviment de fature eletroniche e a’nt definìs il formât

 

Par altris aprofondiments, informazions e normative di riferiment si pues viodi il sît istituzionâl

Faturazion eletroniche viers de Publiche Aministrazion – Sisteme di Interscambi

 

Dâts pe emission de fature eletroniche tai confronts dal Comun di Talmassons

  • Codiç Univoc di Faturazion Eletroniche: UFW9Q1 (pai dâts des Publichis Aministrazions si pues consultâ il sît istituzionâl  indicepa.gov.it
  • Indicazion dal Codiç identificatîf di Gare (CIG) o dal Codiç unic di Progjet (CUP se presint)
  • Indicazion dal numar e date de determinazion dirigjenziâl di impegn di spese

 

Cause di dinei de fature eletroniche di bande de Publiche Aministrazion

Il Decret dal MEF n. 132/2020 al definìs lis motivazions permetudis pal eventuâl dinei des faturis eletronichis di bande des aministrazions publichis, rivadis midiant il Sisteme di Interscambi (SdI). La motivazion dal dinei e sarà metude tal cjamp Descrizion de Notifiche esit comitent.

In struc i câs che lis faturis eletronichis a podaran jessi refudadis:

  1. Fature eletroniche riferide a une operazion che no je stade fate a favôr dal sogjet destinatari de trasmission;
  2. Sbaliade o ometude indicazion dal Codiç identificatîf di gare (CIG) o dal Codiç Unic di Progjet (CUP se presint), di meti te fature daûr dal art. 25, come 2, dal decret-leç dai 24 di Avrîl dal 2014, n. 66, convertît cun modificazions de leç n. 89 dai 23 di Jugn dal 2014, a part i câs di esclusion previodûts de letare a) dal stes come 2;

Sbaliade o ometude indicazion dal numar e de date de determinazion dirigjenziâl dal impegn di spese pes faturis buridis fûr tai confronts des Regjons e dai ents locâi.