Liste dai judiçs popolârs
Utents principâi: citadins residents.
Principâls normativis di riferiment: L. 10.4.1951, n.287
Descrizion dal servizi: i Comuns a àn di formâ doi elencs separâts, un dai Judiçs Popolârs de Assise e chel altri dai Judiçs Popolârs de Assise d’apel.
Dentri dal mês di Avrîl il Sindic al invide cun public manifest ducj chei che, no jessint iscrits tes listis definitivis dai judiçs popolârs e che a àn i recuisîts stabilîts de leç a presentâ domande di iscrizion tes listis.
Dentri dal mês di Avost la Comission comunâl e fâs i elencs sigurantsi che a vedin i recuisîts prescrits par chei che a àn fate domande e iscrivint di ufici, ducj o in part, chei che ancje se a àn i recuisîts no àn fate domande.
Po dopo la Preture unificade e la Cort di Apel a fasin altris adempiments di competence e a ‘nt dan notizie ai citadins par eventuâi ricors o osservazions, midiant manifest. Di chestis Listis a vegnin gjavâts fûr i nomimatîfs dai citadins che a cjaparan lis funzions efetivis di Judiçs popolârs. L’Ufici dal Judiçs popolâr al è obligatori.
Cui che, jessint clamât a prestâ chest servizi, no si presente cence un bon motîf, al è condanât a paiâ une multe, cun di plui a paiâ lis spesis de eventuâl sospension o dal rimant dal dibatiment, cence prejudizi des sanzions plui griviis stabilidis de leç tal câs che il fat al costituissi un reât.
Ai judiçs popolârs e spiete une indenitât par ogni zornade di servizi efetîf des funzions.
Eventuâi recuisîts domandâts:
• citadinance taliane,
• buine condote morâl,
• etât no inferiôr ai 30 agns e no parsore dai 65,
• titul di studi di scuele medie inferiôr (pe Cort de Assise) e di scuele medie superiôr pe Cort di Assise d’apel.
Documents di presentâ: domande in cjarte semplice cun alegade fotocopie de cjarte di identitât.
Eventuâi tiermins pe presentazion: ai 31 di Lui dai agns dispars.
Timps pe erogazion: ai 31 di Dicembar dai agns dispars.