Comune di Talmassons

Utents principâi: citadins

Normativis di riferiment principâls: D.P.R. dai 28 di Dicembar dal 2000, n. 445 – art. 21

Descrizion dal servizi: la autenticazion de firme e je une atestazion dal funzionari autenticant (funzionari incaricât dal sindic, nodâr, cancelîr dal Tribunâl e segretari comunâl), che la sotscrizion de istance presentade a sogjets diviers de Publiche Aministrazion o gjestôrs di servizis publics e je stade metude in sô presince, cun aciertament de identitât dal firmatari par cognossince personâl o midiant un valit document di ricognossiment.

Di fat la sotscrizion di istancis diretis a orghins de PA o a gjestôrs di servizis publics no je sogjete a autenticazion dulà che e je metude in presince dal dipendent adet, o pûr cuant che la istance e je presentade insiemi ae copie fotostatiche, no autenticade, di un document di identitât di chel che la firme (a esclusion dai câs dulà che il fin de istance e je la riscossion di bande di tierçs di beneficis economics: in chel câs si scuen autenticâ la firme de istance).

Documents di presentâ: il document al ven presentât dal interessât e la firme e à di jessi metude sul moment, ae presince dal funzionari incaricât de autenticazion.

Cost dal servizi: la autenticazion e je sogjete al bol, a part i câs dulà che e je previodude esenzion.