Comune di Talmassons

Informazions par citadins e impresis

D.Lgjs. dai 14 di Març dal 2013 n. 33 - art. 34 - Trasparence des informazions

1.  I regolaments ministeriâi o interministeriâi, i proviodiments aministratîfs a caratar gjenerâl metûts in vore des aministrazions dal Stât par regolâ l'esercizi di podês autorizatoris, concessoris o certificadôrs, l'acès ai servizis publics o ben la concession di beneficis, a puartin in alegât l'elenc di ducj i dovês informatîfs che a colin sui citadins e su lis impresis metûts dentri o eliminâts cui ats medesims. Par dovê informatîf si intint cualsisedi oblic informatîf o adempiment che al compuarti la racuelte, la elaborazion, la trasmission, la conservazion e la produzion di informazions e documents ae publiche aministrazion.

2.  Al reste il fat che, dulà che e je previodude, la publicazion te Gazete Uficiâl, i ats dal come 1 a son publicâts sui sîts istituzionâi des aministrazions, daûr dai criteris e des modalitâts definidis cul regolament dal articul 7, comis 2 e 4, de leç dai 11 di Novembar dal 2011, n. 180.