Richieste di cambi di residence dentri dal comun

Utents principâi: citadins

Normativis di riferiment principâls: L. 1228/1954, D.P.R. N. 223/1989, D.P.R. N. 575/1994, D.P.R. N. 610/1996, D.L. 9/2/2012 convertît in Leç ai 4/4/2012 n. 35.

Descrizion dal servizi: il cambi di abitazion tal ambit dal Comun al à di jessi comunicât dentri di 20 dîs di cuant che al è stât fat di une persone di maiôr etât al Ufici anagrafe; i citadins a podaran presentâ lis declarazions anagrafichis no dome midiant il sportel comunâl, ma ancje par racomandade, fax e par vie telematiche. Cheste ultime pussibilitât e je permetude dome in chestis cundizions:

  • che la declarazion e sedi sotscrite cun firme digjitâl;
  • che l’autôr al sedi identificât dal sisteme informatic cu la cjarte di identitât eletroniche, cu la cjarte nazionâl dai servizis, o dut câs cun struments che a permetedin la individuazion dal sogjet che al fâs la declarazion;
  • che la declarazion e sedi trasmetude midiant casele di pueste eletroniche certificade dal declarant;
  • che la copie de declarazion cu la firme autografe e la copie dal document di identitât di cui che al declare a sedin acuisidis midiant scanner e trasmetudis midiant pueste eletroniche semplice.

In aplicazion de gnove normative i citadins che a cambiin direzion di cjase a àn l’inzornament di chest dât su la patente di vuide e su la cjarte di circolazion dai veicui (machine, moto, ciclomotôrs e v.i.) declarant i dâts relatîfs che a vegnin po trasmetûts dal Comun ae Direzion Gjenerâl de Motorizazion Civîl.

Al interessât i reste une ricevude che e varà di jessi conservade cu la patente e la cjarte di circolazion fint a cuant che al varà i cedolins adesîfs di tacâ su chês. Il cambi di recapit al à di jessi denunziât ancje al Consorzi A&T 2000, pe aplicazion de T.I.A. (Tarife Igjiene Ambientâl), e al Ufici Tribûts dal Comun pe regolarizazion de I.C.I./I.M.U.

Eventuâi recuisîts domandâts: jessi a stâ tal Comun.

Documents di presentâ: gnûf model in font di cheste pagjine.

Tiermins pe presentazion: 20 dîs dal cambi di recapit.

Timps pe erogazion: 2 dîs lavoratîfs de date de consegne al Comun.