Richieste di cambi di residence di altri comun

Utents principâi: citadins.

Normativis di riferiment principâls: L. 1228/1954 - D.P.R. N. 223/1989 - D.P.R. N. 575/1994 - D.P.R. N. 610/1996 - D.L. N. 286/1998 - D.P.R. N. 394/1999,  D.L. 9/2/2012 convertît in Leç ai 4/4/2012 n. 35.

Descrizion dal servizi: la iscrizion te anagrafe de popolazion residente e je domandade di ducj i citadins talians o forescj che a trasferissin la lôr residence tal comun di Talmassons di altri comun o dal forest.
La declarazion e pues jessi domandade al Uficiâl de Anagrafe dal citadin interessât o, se si môf dute une famee, di cualsisedi component di maiôr etât cun document di ricognossiment valit, dentri di 20 dîs dal trasferiment. I citadins a podaran presentâ lis declarazions anagrafichis no dome midiant il sportel comunâl, ma ancje par racomandade, par fax e in vie telematiche. Cheste ultime pussibilitât e je permetude se:

  • la declarazion e je sotscrite cun firme digjitâl;
  • l’autôr al è identificât dal sisteme informatic midiant cjarte di identitât eletroniche, cjarte nazionâl dai servizis o dut câs cun struments che a permetedin la individuazion dal sogjet che al fâs la declarazion;
  • la declarazion e je trasmetude midiant la casele di pueste eletroniche certificade dal sotscritôr;
  • la copie de declarazion cu la firme autografe e la copie dal document di identitât dal sotscritôr a son acuisidis midiant scanner e trasmetudis midiant pueste eletroniche semplice.

Il cambi di residence al partìs de zornade che il citadins al à presentade la domande e e je segnade sul sfuei de ricevude.

Daûr de gnove normative i citadins che a cambiin residence a àn l’inzornament di chest dât su la patente di vuide e su la cjarte di circolazion dai veicui (machine, moto, ciclomotôrs e v.i.) a lôr intestâts, compilant un modul cui dâts che al ven po trasmetût dal Comun ae Direzion gjenerâl de Motorizazion civîl.

Al interessât e reste une ricevude che e varà di jessi tignude cont cu la patente e la cjarte di circolazion fint al moment che i rivaran i cedolins adesîfs di meti sui documents.

Il cambi di residence al à di jessi denunziât ancje al Consorzi A&T 2000 o al Ufici Tribûts pe aplicazion de T.I.A. (Tarife Igjiene Ambientâl) e al Ufici Tribûts dal Comun pe regolarizazion de I.C.I./I.M.U.

Eventuâi recuisîts domandâts: jessi a stâ tal Comun. Cun di plui, pai citadins comunitaris, vê l’atestât di permanence regolâr o dai documents in font di cheste pagjine.

Documents di presentâ: viôt modei in font de pagjine.

Eventuâi tiermins pe presentazion: 20 dîs dal trasferiment di residence.

Timps pe erogazion: 2 dîs lavoratîfs de date de richieste.