D.Lgjs. dai 14 di Març dal 2013 n. 33 art. 12, c. 1,2 - Oblics di publicazion pai ats di caratar normatîf e aministratîf gjenerâl
1. Stant a ce che al è previodût pes publicazions te Gazete Uficiâl de Republiche taliane cu la leç dai 11 di Dicembar dal 1984, n. 839, e cu lis relativis normis di atuazion, lis publichis aministrazions a publichin sui lôr sîts istituzionâi i riferiments normatîfs cui colegaments relatîfs aes normis di leç statâls publicadis te bancje dâts «Normattiva» che a 'nt regolin la istituzion, la organizazion e la ativitât. A son cun di plui publicadis lis diretivis, lis circolârs, i programs e lis istruzions buridis fûr de aministrazion e ogni at che al dispon in gjenerâl su la organizazion, su lis funzions, sui obietîfs, sui procediments o ben dulà che si determine la interpretazion di normis juridichis che a chês si riferissin o si dan disposizions pe aplicazion di chês, adun cui codiçs di condote. 2. Cun riferiment ai statûts e aes normis di leç regjonâi, che a regolin lis funzions, la organizazion e il davuelziment des ativitâts di competence de aministrazion, a son publicâts i estrems dai ats e dai tescj uficiâi inzornâts.
