Anagrafe dai çjans
Utents principâi: citadins.
Normativis di riferiment principâls: L.R. n. 20 dai 11.10.2012 e Reg. di atuazion aprovâts cun D.P.R. n. 163 e 164 dai 11.09.2013, n. 195 dai 15.10.2013 e n. 122 dai 26.06.2014.
Descrizion dal servizi: la istituzion de anagrafe dai cjans e jentre te promozion de tutele dai animâi dumiestis pal control e la prevenzion dal abandon des bestiis.
Ducj chei che a àn un cjan a àn di domandâ la iscrizion ae anagrafe dai cjans tal Comun di residence dentri di chescj tiermins:
- 60 dîs di vite dal animâl se si à la mari;
- 10 dîs de date di acuist o di cuant che si lu à, ancje se al ven dal forest.
Si à di visâsi che al è l’oblic di regjistrâlu prime de cession.
Dopo de iscrizion ancje ogni “moviment” dal cjan al sarà di segnalâ par iscrit al Comun di residence, midiant la modulistiche in alegât, compilade in ogni part dentri di chescj tiermins:
- 5 dîs pe PIERDITE acidentâl / sucessive eventuâl CJATADE;
- 5 dîs pe SOTRAZION dal cjan, alegant une copie de denunzie ae Autoritât judiziarie;
- 10 dîs pe cession dal cjan a titul onerôs o gratuit, comunicant tal stes timp lis gjeneralitâts e l’indiriç dal gnûf proprietari;
- 30 dîs pe MUART dal cjan, alegant ancje il certificât veterinari;
- 30 dîs pe variazion di RESIDENCE (pe normative atuâl l’animâl al varà il stes indiriç dal proprietari ma cheste variazion e à di cjatâ conferme te declarazion scrite dal stes proprietari;
- 10 dîs pal RICOVAR in struturis publichis o privadis, daûr dal art. 5 c. 2 de L.R. 20/2012.
L’inoculazion dal microchip e je a caric dal proprietari dal cjan e si pues fâ:
- li dal studi dal veterinari o di un libar professionist;
- li dai SERVIZIS VETERINARIS CENTRI TERITORIÂL DI MORTEAN, vie XXV Aprile, 5 – Tel. 0432 761 910 – Martars e Joibe des 08.00 aes 09.00 – Referent ASL: dot. Michele PLOZZER.
Pe iscrizion ae anagrafe il Mod. 1 burît fûr dal Veterinari stes al va consegnât in Comun – Ufici Protocol – Prin plan dal Municipi.
Eventuâl modulistiche di doprâ: viôt alegâts.