Passepuart

Utents principâls: citadins.

Normativis principâls di riferiment: Leç 21.11.1967 n. 1185 e mod. suc.

Descrizion dal servizi:

  1. Domande su modul 308 che si pues discjamâ dal sît (http://img.poliziadistato.it/docs/passaporto2.pdf) o ritirâ tal Ufici anagrafe dal Comun o l’Ufici passepuarts de Cuesture e sotscrivi devant dal dipendent impleât a ricevi la documentazion di chescj uficis.
  2. Si pues cjapâ apontament cul Ufici passepuarts de Cuesture dome midiant il sît www.passaportonline.poliziadistato.it e in chest câs si pues ancje stampâ il mod. 308 cui propris dâts e la ricevude pal apontament.
  3. Dôs fotografiis compagnis e resintis (massim 6 mês) in formât tessare cun sfont blanc; la imagjin de muse e à di jessi frontâl e cence cjavei che a’nt cuvierzin l’ovâl, bocje sierade; se si puarte i ocjai lis lints a àn di jessi claris e cence riflès di mût che i voi si viodedin ben (viôt istruzions tal detai in chescj files: regulis pes foto1, regulis pes foto2, regulis pes foto3)
  4. Ricevude di paiament (viôt il sît http://www.poliziadistato.it/articolo/view/10301/  ) sul C/C postâl N. 67422808 intestât a "Ministero dell'Economia e delle Finanze - Dipartimento del Tesoro" cun causâl "costo del libretto per il rilascio del passaporto elettronico"  di € 42,50.
  5. N. 1 contrassegn telematic par passepuart (viôt sît http://www.poliziadistato.it/articolo/view/191/). O ricuardìn che dal 1 di Setembar dal 2007 il contrassegn al sostituìs la marcje di bol e al à validitât di 365 dîs a partî de date de emission dal passepuart. La aplicazion anuâl de marcje aministrative e je subordenade al fat di doprâ il passepuart tai paîs extracomunitaris.
  6. Il passepuart precedent al à di jessi tornât indaûr. Tal câs che si lu vedi pierdût o che al sedi stât robât si à di fâ denunzie li des autoritâts competentis.
  7. Deleghe pal eventuâl ritîr dal passepuart di bande di persone divierse dal titolâr.
    a)Tal câs che chel che lu domande al vedi fîs minôrs e covente la firme pal assens di chel altri gjenitôr di meti sul modul 308 devant dal dipendent che al ritire la documentazion o pûr, se no je firmade devant di lui, si à di alegâ copie di un document di identitât. Se no e covente la concession dal Judiç tutelâr o sentence di separazion personâl dal om/femine dulà che al è l’assens di ducj i doi pal espatri. Il titolâr esclusîf de potestât gjenitoriâl (par es. vedul/e) nol covente che al presentedi altris ats di assens.
    b) Pai minôrs di 18 agns viôt il sît http://www.poliziadistato.it/articolo/view/191/  

Si informe che cui 26 di Jugn dal 2012 i minôrs che a viazin a àn di vê ognidun il so document individuâl e no puedin jessi metûts sul passepuart dai gjenitôrs.
          c) Pal cambi di residence sul passepuart si dopre il modul 308 daûr lis modalitâts dal pont 1).
          d)Pe rinovazion dai passepuarts burîts fûr prime dai 4 di Fevrâr dal 2003 e no inmò dal dut scjadûts si à di presentâ domande sul modul 308 daûr lis modalitâts dal pont 1); de documentazion a son escludûts i ponts 2) 3) 4).

Recuisîts eventuâi domandâts: citadinance taliane. No cjatâsi in nissune des cundizions che a impedissin la emission dal passepuart (art. 3 Leç 21.11.1967 n. 1185 e mod. suc.).

Documents di presentâ: presentâsi cuntun document di identitât valit.

Cost dal servizi: 0.26 euro (par ogni autentiche di foto domandade).

Eventuâl modulistiche di doprâ: modul 308.

Timps pe emission: plui o mancul 20-30 dîs.

Eventuâl ativitât esterne: la documentazion e ven trasmetude ae Cuesture di Udin (dulà che al pues puartâle diretementri l’interessât) che e mande fûr il document. Si pues ritirâ il document sedi tal Comun che li de Cuesture.

GNOVIS REGULIS IN VORE A PARTÎ DAI 10 DI JUGN DAL 2010

A partî dai 10 di Jugn dal 2010 daûr dal Regolament dal Consei de Union Europeane n. 2252/2004 e n. 444/2009 e dal D.M. 303/014 dai 23.06.2009, ai citadins de Provincie di Udin al vignarà emetût il passepuart eletronic cu lis improntis digjitâls.

Chest passepuart nol cambiarà l’aspiet par di fûr, ma al varà te cuviertine un microprocessôr dulà che a son memorizadis lis imagjins de muse e lis improntis dal titolâr. Pai minôrs di 12 agns no je previodude la acuisizion des improntis. Dome la Cuesture e je abilitade par ricevi lis improntis tal stret adempiment dal art. 13 dal Codiç in materie di protezion dai dâts personâi (D. leg. N. 196/2003).

Ducj i maiôrs di 12 agns che a domandin il passepuart a varan di lâ li de Cuesture di Udin pe consegne de domande une volte preparade dute la documentazion.

I documents a son di consegnâ al sportel passepuarts in viâl Vignesie n. 31/33 a Udin, viert cun chescj oraris:  LUN – MIER – VIN  des 8.30 aes 10.00 domande passepuart par chei no prenotâts e DAL LUNIS AL SABIDE des 9.00 aes 12.45, MAR des 15.00 aes 18.00 domande passepuarts pai prenotâts.

Dai 15 di Avrîl i librets passepuart emanâts de Cuesture di Udin a varan di jessi ritirâts dai interessâts o di lôr delegâts diretementri ai sportei dai uficis di Polizie.

Pal ritîr dai librets di passepuart a son chescj oraris: lun-mier-vin des 8.30 aes 10, mar-joi-sab des 8.30 aes 9.30.

Al è in fase di sperimentazion il servizi “Passepuart a domicili” ufiert di Puestis Talianis.

 

Cicl. Març 2013