Comune di Talmassons

Utents principâi: eletôrs dal Comun

Normativis di riferiment principâls: Art.13 de Leç 120/1999 e DPR 299/00.

Descrizion dal servizi: la tessare eletorâl, di mostrâ al president dal seç insiemi a un document di identitât par podê votâ, e à i dâts anagrafics dal titolâr, il numar e la direzion di residence de sezion eletorâl di assegnazion, cun di plui il coleç, la circoscrizion o la regjon dulà che il titolâr al pues esprimi il dirit di vôt in ogni elezion.

E ven buride fûr dal Comun di iscrizion eletorâl, e dure plui agns e e ven sostituide in câs di pierdite, di deteriorament o in câs di trasferiment anagrafic in altri Comun.

Cuant che si ricêf la gnove tessare si à di tornâ indaûr chê vecje. Tal câs di variazion de direzion di residence tal stes Comun che e compuartedi ancje variazion de sezion eletorâl, e ven trasmetude al domicili dal eletôr une etichete di inzornament de tessare.

Tal câs che si le vedi pierdude, che e sedi stade robade o ruvinade il citadin al pues domandâ al ufici eletorâl che i vegni fat un duplicât. Il duplicât al ven dât in ogni moment dal an, ma prime si à di consegnâ l’esemplâr ruvinât o presentâ une declarazion sostitutive dal at di notorietât de robarie o de pierdite che e ven firmade tal moment de domande dal duplicât.

Il duplicât al pues jessi domandât ancje di un familiâr delegât.

Eventuâi recuisîts domandâts: iscrizion tes listis eletorâls. Pe elezion dal Senât si à di vê 25 agns.

Eventuâl modulistiche di doprâ: e ven furnide dal sportel de Anagrafe.

Timps pe erogazion: imediât.

Te impussibilitât tecniche di furnî subit il duplicât al ven burît fûr un atestât di mostrâ al president dal seç; po dopo al ven mandât a cjase dal eletôr il duplicât.