Declarazion sostitutive dal at di notorietât
Utents principâi: citadins, aziendis.
Normativis principâls di riferiment: D.P.R. 28 di Dicembar dal 2000, n. 445 - art. 47.
Descrizion dal servizi: la esistence di stâts, fats e cualitâts personâls, che a son cognossûts diretementri dal citadin, e pues jessi dimostrade di chest ultin cun declarazion sostitutive dal at di notorietât. Il D.P.R. n. 445/2000 al slargje la pussibilitât di declarà ancje stâts, fats e cualitâts personâls, relatîfs a altris sogjets, baste che chel che al declare lu savedi par ciert e al vedi un interès personâl a rindi la declarazion. La declarazion sostitutive dal at di notorietât, di presentâ ai orghins de Aministrazion Publiche o ai gjestôrs di servizis publics, e je sotscrite dal interessât ae presince dal dipendent assegnât a ricevile o sotscrite e presentade insiemi a une fotocopie, no autenticade, di un document di identitât dal firmatari.
Tal câs che la declarazion e sedi presentade a sogjets diferents di une Aministrazion Publiche o gjestôrs di servizis publics (a part tal câs che la declarazion e sedi la riscossion di bande di tierçs di beneficis economics), la autentiche e je scrite di un nodâr, cancelîr, segretari comunâl, dal dipendent assegnât a ricevi la documentazion o altri dipendent incargât dal sindic. In chest câs la autenticazion e je metude a dopo de sotscrizion e il public uficiâl al ateste che la firme e je stade metude in sô presince, aciertant prime la identitât dal declarant.
La declarazion tal interès di cui che al è in situazion di impediment temporani, par motîfs leâts al stât di salût, e je sostituide de declarazion cun indicazion de esistence di un impediment, fate dal om/femine o, se nol è, dai fîs o, se chescj no son, di un altri parint in linie rete o colaterâl fint al 3ç grât, di un public uficiâl, vint prime aciertade la identitât dal declarant.
E ven presentade cence firme autenticade par declarazion di presentâ a une Aministrazion Publiche; cun firme autenticade par declarazion di presentâ a orghins diferents (sogjets privâts).
La declarazion e à di jessi finalizade a otignî un proviodiment e no pues vê come ogjet promessis o ats di impegn tal avignî, no pues vê procuris, mandâts, deleghis, autorizazions, rinunziis e acetazions.