Comune di Talmassons

Utents principâi: citadins.

Normativis principâls di riferiment: D.P.R. n. 396 dai 3/11/2000 - "Regolament pe revision e la semplificazion dal Ordenament dal Stât Civîl – daûr dal art. 2 c. 12 de Leç n. 127 dai 15.05.1997; D.P.R. n. 285 dai 10.09.1990.

Descrizion dal servizi: cu la declarazion di muart si fâs la iscrizion tal regjistri di Stât civîl. La declarazion di muart e inten chei decès che si son verificâts tal Comun di Talmassons. Se il decès si è verificât intune abitazion privade i familiârs a àn di clamâ il miedi o la vuardie mediche pe verifiche de cause di muart. Po dopo si à di visâ il miedi necroscopi che al aciertarà la muart, dopo 15 oris dal moment dal decès, e al compilarà il certificât di consegnâ al Ufici di Stât civîl dentri di 24 oris de muart. La declarazion di muart e pues jessi presentade di un parint, di un convivent o di un lôr delegât, o di altre persone informade dal decès. Se il decès si è verificât in ospedâl la declarazion di muart e ven fate diretementri de struture ospedaliere.

Documentazion di presentâ: schede di muart fate dal miedi e aciertament dal miedi necroscopi.