Comune di Talmassons

Liste scrutinadôrs di seç eletorâl

Utents principâi: citadins iscrits tes listis eletorâls dal Comun.
Normativis principâls di riferiment: Leç 8.3.1989 n.95, 21.3.1990 n.53 e 21.12.2005 n.270
Descrizion dal servizi: la iscrizion te Liste dai scrutinadôrs e permet di podê assumi l’incaric di scrutinadôr tai seçs eletorâls.
La assegnazion ai seçs e je fate in ocasion di ogni elezion par nomine di bande de Comission eletorâl comunâl in sentade publiche clamade doi dîs prime cun public manifest.
Dentri dal mês di Novembar e va presentade domande in cjarte semplice al Protocol dal Comun, su modul furnît dal Ufici eletorâl.
Verificâts i recuisîts la Comission eletorâl comunâl dentri dai 15 dal Zenâr sucessîf e va indevant cul inseriment te Liste. Te stesse date si scancelin de Liste lis personis che, nomenadis, a àn rinunziât al incaric.
La iscrizion te Liste e je valide fin a une eventuâl pierdite dai recuisîts, in particolâr daûr di trasferiment de residence in altri Comun, o ben par cancelazion di ufici de Liste. In ocasion di dutis lis consultazions eletorâls, chei che a fasin dutis lis funzions tai uficis eletorâi (presidents di seç, scrutinadôrs, segretaris di seç, rapresentants di liste) a àn dirit a no lâ a vore par dute la durade des operazions.
Chescj dîs di assence dal lavôr a son considerâts a ducj i efiets dîs di ativitât lavorative. Il president di seç al certifiche la partecipazion aes operazions de sezion eletorâl di ducj chei che a àn funzions tal so ufici di sezion.
Ai components dai saçs eletorâi che a risultin vê di fat partecipât aes operazions dai seçs stes, in ocasion des consultazions eletorâls, al spiete un onorari che al costituìs rimbors pes spesis fis forfetari che nol è sogjet a ritignudis o impuestis e che nol cor ae formazion de base imponibile ai fins fiscâi, daûr dal tierç come dal art. 9 de Leç n. 53 dai 21 di Març dal 1990.
L’impuart di chest onorari al varie a seconde de tipologjie de consultazion eletorâl.

Eventuâi recuisîts domandâts:
•    Jessi iscrits tes listis eletorâls dal Comun,
•    Vê come titul di studi la scuele dal oblic (pai nassûts dentri dai 31.12.1951 al corispuint ae licence elementâr, par chei nassûts dopo di chê date la scuele medie inferiôr).

No puedin fâ i scrutinadôrs:
•    i dipendents dal Ministeri dal Interni, des Puestis e Telecomunicazions e dai Traspuarts,
•    chei des Fuarcis Armadis in servizi,
•    i miedis provinciâi, i uficiâi sanitaris e i miedis condots,
•    i segretaris comunâi e i dipendents dai comuns assegnâts o comandâts a prestâ servizi tai uficis eletorâi comunâi e in câs di consultazions regjonâls ancje ducj i dipendents de regjon e di ents regjonâi (L.R.20/68 e L.R.27/73),
•    i candidâts aes elezions che par lôr si vote.

Documents di presentâ: alegâ ae domande fotocopie de cjarte di identitât.
Modulistiche di doprâ: il modul al è furnît dal Ufici eletorâl; si pues domandâ une copie ancje vie fax (0432 765235) o pûr discjamâ (viôt alegât).
Eventuâi tiermins pe presentazion: ai 30 di Novembar.
Timps pe erogazion: l’inzornament de liste al ven fat dentri dai 15 di Zenâr.
Timp complessîf: la revision e ven fate dentri dal mês di Zenâr.