A.I.R.E. - Anagrafe degli Italiani Residenti all'Estero/Anagrafe dai Talians che a vivin tal forest

Utents principâi: citadins.
Normativis di riferiment principâls: L. 27.10.1988, n. 470, D.P.R. 06.09.1989 n. 323,  D.L. 9/2/2012 convertît in Leç ai 4/4/2012 n. 35.
Descrizion dal servizi: A.I.R.E. e je la anagrafe dai talians che a vivin tal forest tignude tai Comuns e li dal Ministeri dal Interni.
Lis iscrizions a vegnin fatis:

  • par trasferiment de residence di un comun talian tal forest,
  • daûr de regjistrazion dal at di nassite rivât dal forest,
  • par vê cjapât o tornât a cjapâ la citadinance taliane di bande di persone residente tal forest,
  • par esistence tal forest declarade judizialmentri,
  • par riaparizion de ireperibilitât A.I.R.E.,
  • par trasferiment de AIRE di altri Comun o de AIRE residuâl dal Ministeri dal Interni, cuant che l'interessât a 'nt fâs domande, vint membris dal nucli familiâr iscrits te AIRE o te APR dal Comun.

Il Comun di iscrizion A.I.R.E. al coincît cun chel di iscrizion tes listis eletorâls.
La richieste di iscrizion e dutis lis variazions anagrafichis e di stât civîl (indiriç - matrimoni - nassite di fîs, ecc.) a àn di rivâ midiant Consolât.

Lis cancelazions a vegnin fatis:

  • par rimpatri cu la iscrizion te Anagrafe de Popolazion Residente tal Comun di iscrizion A.I.R.E. o in altri Comun,
  • par muart,
  • par pierdite de citadinance taliane,
  • par trasferiment te A.I.R.E. di altri Comun,
  • par ireperibilitât prossumât dopo di dôs rilevazions censuariis o passâts cent agns de nassite cence la sigurece de esistence in vite de persone,
  • cuant che al risulte no cognossût l'indiriç tal forest.

Eventuâls carateristichis domandadis: citadinance taliane, cjatâsi tes cundizions che si diseve parsore.
Documents di presentâ: istance al Consolât dal teritori forest di residence dentri di 90 dîs dal trasferiment o richieste di iscrizion di presentâ al Ufici A.I.R.E. dal Comun di emigrazion midiant model ministeriâl (ripuartât te pagjine).  
In chest câs il procediment di iscrizion A.I.R.E. al reste sospindût in spiete che il citadin al vadi a presentâle ancje al Consolât.
Passât un an di cuant che e je stade fate la declarazion in Comun cence che e sedi rivade dal Consolât nissune comunicazion, il citadin al varà di jessi scancelât de anagrafe de popolazion residente par ireperibilitât.
Timps pe erogazion: 2 dîs lavoratîfs de ricezion di bande dal Comun dal Model Consolâr.